fo / en
Totalview HR rekruttering
Ment av Formula

Leys størv

18. aug. 2023
Skrivstovulærlingur

Ynskir tú at luttaka í menningini av Føroya størstu KT fyritøku, soleiðis at vit koma enn longur fram á leið, er tað tær vit leita eftir. Vit leita eftir einum eldhugaðum lærlingi til dugnaliga toymið á roknskapardeildini og fyrisitingini á Formula.

Vit bjóða

·        eitt spennandi og avbjóðandi lærupláss.

·        eitt arbeiðspláss har trivnaður og felagsskapur er í hásæti.

·        at tú lærir at samskifta við kundar og samstarvsfelagar.

·        eina skrivstovuútbúgving, sum gevur tær grundleggjandi vitan um roknskap, búskap og fyrisiting. Tú lærir alt um bókhald og fært innlit í goymslustýring, HR viðurskifti og aðra fyrisiting.

·        at arbeiða við nógvum ymiskum KT-skipanum.

·        at tú lærir at samskifta við kundar og samstarvsfelagar.

·        at tú, við hesum royndum, nemur tær vitan innan tey mest brúktu fyrisitingarligu amboðini í Føroyum, og við hesum fært tær ein góðan pall at standa á framyvir, hvar tað skal vera.

 

Vit vænta at tú

·        ert fyrikomandi, ágrýtin, ábyrgdarfull/ur og røkin

·        hevur hug til roknskap og fyrisiting

·        hevur ynski um at arbeiða við ymiskum KT skipanum

·        vilt mennast og tekur ábyrgd av tíni útbúgving

 

Útbúgving og starvsstaður

·        Útbúgvingarlongd við FHS: 3 ár

·        Útbúgvingarlongd við búskaparbreyt: 2 ár

·        Útbúgvingarlongd við aðrari miðnámsbreyt: 2 ár og 6 mðr

 

Vit ynskja, at tú í minsta lagi hevur FHS. Starvsstaður er á Óðinshædd 2 í Havn, og skúlagongdin er á Glasi í Havn.

Meiri kunning um hesi viðurskifti eru at finna á hesum leinki: Skrivstovufólk við sergrein innan fyrisiting (yrkisdepilin.fo)

 

 

Um Formula

Formula er fremsti heildarveitari av KT til stovnar og fyritøkur í Føroyum. Veitingar uttanfyri landoddarnar eru veksandi. Formula veitir loysnir við altjóða góðsku. Okkara loysnir verða brúktar í øllum vinnugreinum, bæði í Føroyum og uttanlands. Á Formula vita vit, at vitan tryggjar besta úrslitið. Vit liva av vitan og raðfesta tað fremst av øllum. Okkara starvsfólk hava altíð dagførda útbúgving á altjóða støði, og alt okkara virksemi er skipað í serdeildir. Á Formula starvast um 100 starvsfólk, og vit hava hølir i Tórshavn, Runavík, Klaksvík og Keypmannahavn. Formula er eitt fíggjarliga trygt virki við høgari eginfígging, og vit eftirmeta áhaldandi okkara virksemi, bæði umvegis búskaparlig úrslit og starvsfólka- og kundanøgdsemiskanningar.

 

Umsóknarfreist: 10. sep. 2023
07. aug. 2023
Verkætlanarleiðari

Hevur tú hug og áræði at luttaka í menningini av fleiri av Føroya fremstu fyritøkum og stovnum tá talan er um KT? Hevur tú hartil hug á einum spennandi starvi, ið alsamt er   broytiligt og mennandi? Hevur tú hug at lofta uppgávum sum til tíðir røkka yvir landamørk? Kennist hettar eggjandi so er tað kanska tær vit sóknast?

Virksemið á Tøkni- og rakstrarloysnum á Formula er alsamt vaksandi og tí søkja vit eftir einum skikkaðum persóni til verkætlanarleiðslu og samskipan av verkætlanum.

 

STARVIÐ

Vit arbeiða miðvíst við heildarupplivingini, vit geva kundum okkara Í hesum sambandi er verkætlanarleiðsla og samskipan av verkætlanum  ein sera týðandi og neyðugur partur  í samlaðu veitingini til kundan. Orka skal leggjast í, at fáa fólk og tøkni at spæla saman soleiðis, at samlaða veitingin altíð  eydnast til fullnar.

Starvsøkið er fjølbroytt og snýr seg í høvuðsheitum um verkætlanarleiðslu, samskipan av verkætlanum og ráðgeving í hesum sambandi.
Sum persónur ert tú fyrikomandi og hevur lætt við at tosa við fólk og ert álitsvekjandi. Tú sært loysnir heldur enn trupulleikar, og tú hevur evnini at koma frá tørvi kundans til røttu loysnina.

 

Umframt ítøkiliga verkætlanarleiðslu skal verkætlanarleiðarin samskipa verandi og komandi verkætlanir, stórar sum smáar, í tøttum samstarvi við leiðsluna og stýrisbólkar, herundir:
- Tilrættisleggjan av nýggjum verkætlanum og at leiða hesar frá byrjan til enda
- Samskipan av uppgávum innanhýsis millum deildir og mótvegis kundunum
- Greina KT-umhvørvið, ger upplegg til nýggjar tænastur og menna núverandi tænastur
- Umsitur samstarv og samskifti við viðkomandi veitarar
- Skipar innanhýsis verkstovur og ger kunningartilfar til tænastur

 

TÍNIR FØRLEIKAR
Á Formula eru persónligu førleikarnir eins týðandi og teir fakligu.

Tú ert útvend(ur), fyrikomandi, nærløgd/lagdur og hevur lætt við at samskifta við kundar eins væl og starvsfelagar. Vit seta høg krøv til okkum sjálvi og ganga høgt uppí, at veita kundunum eina góða tænastu, og tí er tað týdningarmikið, at tú ert tænastusinnað(ur).

Tú arbeiðir sjálvstøðugt og kennir tínar styrkir. Somuleiðis kennir tú tínar avmarkingar og spyrt, tá tú ikki veitst. Tú ert ikki bangin fyri at taka eitt eyka tak, tá ið á stendur.

 

Vit vænta, at tú:
- Hevur viðkomandi útbúgving  ella praktiskar royndir
- Hevur innlit í KT og royndir í at standa fyri størri og minni kt-verkætlanum
- Dugir at meta um, hvat skal til fyri at bera KT-verkætlanir á mál 
- Megnar at skjalfesta arbeiðstilgongdir
- Tekur ábyrgd, raðfestir og heldur freistir
- Arbeiðir sjálvstøðugt og er væl skipað/ur
- Samskiftir væl á føroyskum, norðurlendskum og enskum

 

Tað er ein fyrimunur, um tú hevur viðkomandi starvsroyndir og sertifisering innan verkætlanarleiðslu. Tað er týdningarmikið, at tú ert forvitin og hevur lætt við at seta teg inn í nýggja tøkni og arbeiðsgongdir, og harvið megnar at ogna tær nýggja vitan.

 

STUÐLANDI OG STIMBRANDI UMHVØRVI

Á Formula leggja vit okkum eftir kundanøgdsemi og munagóðum loysnum, sum gagna. Fyri at røkka hesu, er arbeiðið skipað eftir føstum leisti. Tú verður partur av einum sterkum toymi við rakstrarfólki, verksetarum, supportarum,  sølu- og marknaðarfólki, umframt verkætlanarleiðarum. Her sleppur tú at gera tað, tú er best(ur) til.

Vit verkseta og reka kervisloysnir hjá kommunum, almennum stovnum og privatum fyritøkum kring alt landið, eisini veita vit hýsingartænastu og “Cloud” loysnir til hesar kundar

Vit leggja dent á persónliga og fakliga menning og bjóða viðkomandi eftirútbúgving. Tú fært eina kappingarføra løn, sum verður ásett eftir royndum og útbúgving.

 

UMSÓKN

Umsókn við lívsrensli (CV) og viðkomandi skjølum skulu sendast okkum í seinasta lagi hósdagin 24. august 2023.

Tú fært nærri upplýsingar um starvið, við at venda tær til Eyðun Thorsvig, leiðara á Tøkni- og rakstrarloysnum á tel. 244145.

 

STUTT UM FORMULA

Formula er fremsti heildarveitari av kunningartøkni til stovnar og fyritøkur í Føroyum. Veitingar uttanfyri landoddarnar er veksandi. Formula veitir loysnir við altjóða góðsku. Okkara loysnir verða brúktar í øllum vinnugreinum, bæði í Føroyum og uttanlands. Á Formula vita vit, at vitan tryggjar besta úrslitið. Vit liva av vitan, og raðfesta tað fremst av øllum. Okkara starvsfólk hava altíð dagførda útbúgving á altjóða støði, og alt okkara virksemi er skipað í serdeildir. Á Formula starvast um 100 starvsfólk, og vit hava hølir í Tórshavn, Runavík, Klaksvík og Keypmannahavn. Formula er eitt fíggjarliga trygt virki við høgari eginfígging, og vit eftirmeta áhaldandi okkara virksemi, bæði umvegis búskaparlig úrslit og starvsfólka- og kundanøgdsemiskanningar.

 

Umsóknarfreist: 24. aug. 2023
07. jun. 2023
OutSystems mennari

STARVIÐ

Á Formula uppliva vit øktan eftirspurning eftir okkara tænastum, bæði í Føroyum og uttanlands. Í hesum sambandi hava vit tørv á OutSystems mennara.

 

Á Formula er tað úrslitið, sum telur. Fyri at røkka bestu úrslitunum, er menningararbeiðið skipað eftir einum føstum leisti – frá staðfesting av tørvi til lidna loysn. Tú verður partur av einum fullfíggjaðum menningartoymi við verkætlanarleiðarum, greinarum, sniðgevum og mennarum. Her sleppur tú at gera tað, tú dugir best.

 

Starvið gevur tær góðar møguleikar at arbeiða við nýggjastu tøknini. Harafturat fært tú spennandi avbjóðingar við skiftandi uppgávum í einum góðum arbeiðsumhvørvi í tøttum samstarvi við dugnaligar starvsfelagar.

 

TÍNIR FØRLEIKAR

Tað er ein fyrimunur, um tú hevur skeið í OutSystems menning og hevur nakað av royndum við OutSystems, men tað er ikki eitt krav.

 

Tú hevur viðkomandi fakliga útbúgving og royndir við menning av KT-skipanum. Hartil hevur tú royndir við C#, ASP.NET, JavaScript, HTML5, CSS3 ella tilsvarandi tøkni. Tað er ein fyrimunur, um tú hevur royndir við menning av appum til fartelefonir. Tú er skipaður í tínum arbeiði, og tú ert vanur at arbeiða við samansettum uppgávum. Tú dugir at skipa tær í smærri eindir, ið verða loystar við atliti til heildina.

 

Á Formula eru persónligu førleikarnir eins týðandi og teir fakligu. Tú er fyrikomandi og hevur lætt við at tosa við fólk. Tú kennir tínar styrkir og dugir at geva tær víðari. Somuleiðis kennir tú tínar avmarkingar og dugir at brúka styrkirnar hjá starvsfeløgunum.

 

 

STUÐLANDI OG STIMBRANDI UMHVØRVI

Okkara arbeiðsumhvørvi er stimbrandi og stuðlandi. Vit leggja dent á, at fólk trívast og mennast, og tí skipa vit javnan fyri tiltøkum, sum styrkja samanhaldið. Tað ger, at miðal starvsaldurin á Formula er 9 ár, ið er long tíð innan KT-vinnuna.

 

Vit leggja dent á persónliga og fakliga menning, og bjóða viðkomandi eftirútbúgving. Tú fær eina kappingarføra løn, sum verður ásett eftir royndum og útbúgving.

 

UMSÓKN

Umsókn, lívsrensl (CV) og viðkomandi skjøl skulu verða okkum í hendi í seinasta lagi mánadagin 23. januar 2023. Tú fært nærri upplýsingar um starvið við at venda tær til Gert Joensen, deildarleiðara, á telefon 344098.

 

STUTT UM FORMULA

Formula er millum fremstu heildarveitarar av kunningartøkni til stovnar og fyritøkur í Føroyum. Formula veitir lokalar loysnir við altjóða góðsku. Okkara loysnir verða brúktar í øllum vinnugreinum, bæði í Føroyum og uttanlands. Á Formula vita vit, at vitan tryggjar besta úrslitið. Vit liva av vitan og raðfesta tað fremst av øllum. Okkara starvsfólk hava dagførda útbúgving á altjóða støði, og alt okkara virksemið er skipað í serdeildir.

 

Á Formula starvast uml. 100 fólk, og vit hava deildir í Tórshavn, Runavík og Klaksvík. Afturat hesum hava vit hølir í Keypmannahavn. Formula er eitt fíggjarliga trygt virki við høgari eginfígging, og vit eftirmeta áhaldandi okkara virksemi, bæði umvegis búskaparlig úrslit og starvsfólka- og kundanøgdsemiskanningar.

 

 

Umsóknarfreist: 18. jun. 2023
Sjálvboðin umsókn

Formula hevur javnan brúk fyri nýggjum starvsfólkum. Tí eru vit altíð áhugað í at frætta frá fólki, sum kundi hugsað sær at starvast hjá okkum.

Tú ert vælkomin at senda okkum eina umsókn har tú greiðir frá hvør tú ert, tínum royndum og møguligari útbúgving, og hví tú vilt arbeiða á Formula.

Send okkum umsókn, lívsrensl (CV) og viðkomandi prógv, so hoyrir tú aftur frá okkum.

Umsóknin verður goymd í 6 mánaðir.

Henda síðan brúkar farspor (cookies)
Vit brúka farspor fyri at kunna gera tína uppliving betri.
Neyðug farspor tryggja, at heimasíðan riggar, sum hon skal.
Tú kanst altíð taka samtykkið aftur. Hetta gert tú við at fara til síðuna um farspor