fo / en
Totalview HR rekruttering
Ment av Formula

Leys størv

15. nov 2019
Mennari á Fíggjarloysnum

Starv sum KT mennari hjá Formula – Fíggjarloysnir

Vit leita eftir einum ágrýtnum KT-mennara at arbeiða við fíggjarloysnini Dynamics 365 Business Central (Dynamics NAV) frá Microsoft.

Tínir førleikar

Á Formula eru persónligu førleikarnir eins týðandi og teir fakligu. Tú ert fyrikomandi og hevur lætt við at tosa við fólk. Tú arbeiðir sjálvstøðugt, kennir tínar styrkir og dugir at geva tær víðari. Somuleiðis kennir tú tínar avmarkingar og spyrt, tá tú ikki veitst.

Tú hevur lokið Hægri Handilsskúlaprógv og er datamatikari ella hevur líknandi útbúgving.

Tað er umráðandi at tú er ágrýtin, treiskur og ikki er bangin fyri at taka eina hond í, tá nógv er at gera. Harumframt er tað umráðandi at tú ert nærlagdur og loysir uppgávurnar til tíðina. Um hettar ljóðar sum tú, so er tað kanska júst tær vit leita eftir.

Vit hjálpa tær at koma í gongd við at arbeiða við okkara fíggjarloysnum. Tú kemur at arbeiða í einum dynamiskum og spennandi umhvørvi, saman við dugnaligum starvsfeløgum, ið hava fleiri ára royndir innan ráðgeving og forritan av fíggjarloysnum til fyritøkur og stovnar í Føroyum og uttanlands.

Tínar arbeiðsuppgávur

Starvið er fjølbroytt og fevnir um menning av loysnum til størri og smærri kundar innan fiskivinnuna, detail, flutningsvinnuna, byggivinnuna, kommunur og fleiri aðrar vinnugreinar.

Forrita verður í Visual Studio Code og C/AL.

Stuðlandi og stimbrandi umhvørvi

Okkara arbeiðsumhvørvi er stimbrandi og stuðlandi. Vit leggja dent á, at fólk trívast og mennast. Sum partur av starvsfólkahópinum á Formula fær tú møguleika at fáa altjóða útbúgving og góðkenningar innan títt starvsøkið, tí hettar er ein fastur táttur í okkara starvsfólkamenning. Vit skipa javnan fyri tiltøkum, sum styrkja samanhaldið.

Tað starvast 85 fólk á Formula og miðal starvsaldurin á er 9 ár, ið er long tíð innan KT-vinnuna.

Vit leggja dent á persónliga og fakliga menning, og bjóða viðkomandi eftirútbúgving. Tú fært eina kappingarføra løn, sum verður ásett eftir royndum og útbúgving.

Umsóknarfreist: 16. des 2019
20. des 2019
KT teknikari

Vaksandi virksemi og krevjandi uppgávur gera, at vit hava brúk fyri einum dugnaligum KT fólki afturat. Vit ynskja ein ágrýtnan persón, sum ynskir at virka í einum mennandi arbeiðsumhvørvi við góðum starvsfeløgum.

 

STARVIÐ

Vit arbeiða miðvíst við heildarfatanini sum vit geva kundum okkara. Vit leggja orku í at fáa fólk og tøkni at spæla saman, soleiðis at samlaða veitingin skal eydnast. Kervistoymið á Formula hevur tí ein serligan leiklut. Vit vilja styrkja toymið, og hava tí brúk fyri tær.

 

Tú kemur at starvast sum bindilig millum kundan og infrakervið, ið vit veita, og tú kemur at taka tær av øllum viðurskiftum kring infrakervið og trygdarskipanum, sum kundin er partur av.

 

 Arbeiðsuppgávurnar umfata eisini at fremja nýggjar verkætlanir, har m.a. verður arbeitt við sera framkomnum skipanum sum t.d. Microsoft 365, Azure, Windows Server, Hyper-V, Exchange, Active Directory við meira.

 

TÍNIR FØRLEIKAR

Á Formula eru persónligu førleikarnir eins týðandi og teir fakligu.

 

Vit ynskja tú ert útvend(ur), fyrikomandi, nærløgd/lagdur og hevur lætt við at samskifta við kundar eins væl og starvsfelagar. Vit seta høg krøv til okkum sjálvi og ganga høgt upp í at veita kundunum eina góða tænastu, og tí er tað týdningarmikið, at tú ert tænastusinnað(ur).

 

Tú arbeiðir sjálvstøðugt og kennir tínar sterku síður. Somuleiðis kennir tú tínar avmarkingar og spyrt, tá tú ikki veitst. Tú ert ikki bangin fyri at taka eitt eyka tak, tá ið á stendur.

 

Tær nýtist ikki at vera eitt flogvit, men vit vænta, at tú ert væl fyri. Tað er ein fyrimunur, um tú hevur førleikar og/ella útbúgving/certificering innan hetta arbeiðsøkið, og tað er týdningarmikið, at tú ert forvitin og hevur lætt við at seta teg inn í nýggja tøkni og arbeiðsgongdir.

 

Umsóknarfreist: 13. jan 2020
28. des 2019
KT ráðgevi til Fíggjarloysnir

Tínir førleikar

Á Formula eru persónligu førleikarnir eins týðandi og teir fakligu. Tú ert fyrikomandi og hevur lætt við at tosa við fólk. Tú arbeiðir sjálvstøðugt, kennir tínar styrkir og dugir at geva tær víðari. Somuleiðis kennir tú tínar avmarkingar og spyrt, tá tú ikki veitst.

Tú hevur praktiskar royndir við bókhaldi og brennur fyri Excel. Vit rokna við at tú hevur handilsútbúgving og í ein ávísan mun hevur førleikar innan KT.
Tað er umráðandi at tú er ágrýtin, treisk/ur og ikki er bangin fyri at taka eina hond í, tá nógv er at gera. Um hettar ljóðar sum tú, so er tað kanska júst tær vit leita eftir.

Vit hjálpa tær at koma í gongd við at arbeiða við okkara fíggjarloysnum. Tú kemur at arbeiða í einum dynamiskum og spennandi umhvørvi, saman við dugnaligum starvsfeløgum, ið hava fleiri ára royndir innan ráðgeving og forritan av fíggjarloysnum til fyritøkur og stovnar í Føroyum og uttanlands.

Tínar arbeiðsuppgávur

Starvið er fjølbroytt og fevnir um ráðgeving av loysnum og at hjálpa okkara kundum innan fiskivinnuna, detail, flutningsvinnuna, byggivinnuna, kommunur og fleiri aðrar vinnugreinar.

Stuðlandi og stimbrandi umhvørvi

Okkara arbeiðsumhvørvi er stimbrandi og stuðlandi. Vit leggja dent á, at fólk trívast og mennast. Sum partur av starvsfólkahópinum á Formula fær tú møguleika at fáa altjóða útbúgving og góðkenningar innan títt starvsøkið, tí hettar er ein fastur táttur í okkara starvsfólkamenning. Vit skipa javnan fyri tiltøkum, sum styrkja samanhaldið. Miðal starvsaldurin á Formula er 9 ár, ið er long tíð innan KT-vinnuna.

Vit leggja dent á persónliga og fakliga menning, og bjóða viðkomandi eftirútbúgving. Tú fært eina kappingarføra løn, sum verður ásett eftir royndum og útbúgving.

Umsókn

Umsókn, lívsrensl (CV) og viðkomandi skjøl skulu vera okkum í hendi í seinasta lagi mánadagin 28. mai 2018 og skulu sendast til starv@formula.fo. Tú fært nærri upplýsingar um starvið við at venda tær til Jan Berg, leiðara á Fíggjarloysnum, á tel. 244033.

 

Umsóknarfreist: 02. feb 2020