Leys størv

Vit á Formula leita eftir einum dugnaligum verkætlanarleiðara, sum bæði dámar og dugur væl at samskifta við kundar og starvsfólk, og ikki minst at leggja til rættis og gjøgnumføra verkætlanir til avtalaðu tíð og kostnað.

Vit á Formula vilja vera fremst í tí vit gera og stremba soleiðis eftir, at okkara kundar fáa ta bestu tænastuna. Tú verður partur av okkara verkætlanartoymi, sum hvønn dag ger sítt allar ítasta fyri okkara kundar og at starvsfólkini arbeiða í einum væl skipaðum umhvørvið.

Arbeiðsøki

Sum verkætlanarleiðari kemur tú at arbeiða við nógvum ymiskum verkætlanum og kundum, sum hava til felags, at teir hava eina fíggjarskipan (Business Central) og nýta fleiri ymisk amboð, eitt nú Power BI, Jet Reports, Totalview, Framleiðslustýring osv. Alt eftir hvat tørvurin er, so hava kundarnir sínar skipanir í skýnum (cloud), í hýsing ella on-premise. Tín uppgáva verður at samskipa arbeiðið tí tøttum samstarvi við kundar okkara so væl sum starvsfólkini.

Tínir førleikar

Á Formula eru persónligu førleikarnir eins týðandi og teir fakligu. Tú ert fyrikomandi og hevur lætt við at tosa við fólk. Tú arbeiðir sjálvstøðugt, kennir tínar styrkir og dugir at geva tær víðari. Somuleiðis kennir tú tínar avmarkingar og spyrt, tá tú ikki veitst.

Tú skalt hava holla vitan um og royndir við verkætlanarleiðslu, og skalt í hesum sambandi vísa á royndir sum verkætlanarleiðari. Umráðandi er at tú dugir at loysa uppgávuna á ein smidligan hátt (Agil) til frama fyri allar partar. Tú dugir væl føroyskt í skrift og talu, umframt danskt og klárar teg á enskum.

Tað er umráðandi at tú er ágrýtin, treisk/ur og ikki er bangin fyri at taka eina hond í, tá nógv er at gera. Um hettar ljóðar sum tú, so er tað kanska júst tær vit leita eftir.

Tú kemur at arbeiða í einum dynamiskum og spennandi umhvørvi, saman við dugnaligum starvsfeløgum, ið hava fleiri ára royndir innan ráðgeving og forritan av KT-loysnum til fyritøkur og stovnar í Føroyum og uttanlands.

Okkara arbeiðsumhvørvi er stimbrandi og stuðlandi. Vit leggja dent á, at fólk trívast og mennast. Sum partur av starvsfólkahópinum á Formula fær tú møguleika at fáa altjóða útbúgving og góðkenningar innan títt starvsøkið, tí hettar er ein fastur táttur í okkara starvsfólkamenning. Vit skipa javnan fyri tiltøkum, sum styrkja samanhaldið og bjóða starvsfólkaágóðar sum td. atgongd til venjingarrúm, matarskipan osfv.  Miðal starvsaldurin á Formula er 9 ár, ið er long tíð innan KT-vinnuna.

Vit leggja dent á persónliga og fakliga menning, og bjóða viðkomandi eftirútbúgving. Tú fært eina kappingarføra løn, sum verður ásett eftir royndum og útbúgving. Starvið verður sett eftir nærri avtalu.

Umsókn, lívsrensl (CV) og viðkomandi skjøl skulu vera okkum í hendi í seinasta lagi sunnudagin 12. februar 2023 og tú søkir starvið á starv.formula.fo. Tú fært nærri upplýsingar um starvið við at venda tær til Jan Berg, leiðara á Fíggjarloysnum, á tel. 244033.

Formula søkir KT-mennarar

Á Formula uppliva vit støðugt øktan eftirspurning eftir okkara tænastum, bæði í Føroyum og uttanlands. Í hesum sambandi hava vit tørv á fleiri mennarum við ymiskum førleikum t.d. front end, back end og app menning.

Tú verður partur av einum fullfíggjaðum menningartoymi við mennarum, greinarum, sniðgevum og verkætlanarleiðarum. Her sleppur tú at gera tað, tú dugir best. Starvið gevur tær góðar møguleikar at arbeiða við nýggjastu tøknini. Harafturat fært tú spennandi avbjóðingar við skiftandi uppgávum í einum góðum arbeiðsumhvørvi í tøttum samstarvi við dugnaligar starvsfelagar.

TÍNIR FØRLEIKAR

Av tí, at vit hava ein fjølbroyttan tørv, søkja vit eftir starvsfólkum við ymiskum førleikum. Sum front end mennari hevur tú kunnleika til JavaScript, HTML, CSS, TypeScript og Bootstrap og møguliga Blazor. Sum backend mennari hevur tú kunnleika til C#, ASP.NET og MS-SQL. Sum mobile mennari hevur tú kunnleika til Android og/ella iOS menning. Harumframt er tað ein fyrimunur (ikki eitt krav), um tú hevur fakliga viðkomandi útbúgving.

Á Formula eru persónligu førleikarnir eins týðandi og teir fakligu. Tú ert fyrikomandi og hevur lætt við at samskifta við tínar starvsfelagar. Tú arbeiðir sjálvstøðugt, kennir tínar styrkir og dugir at geva tær víðari. Somuleiðis kennir tú tínar avmarkingar og spyrt, tá tú ikki veitst. Tú ert skipað/ur í tínum arbeiði og ert vanur/von at arbeiða við samansettum (kompleksum) uppgávum. Tú dugir at skipa uppgávurnar í smærri eindir, ið verða loystar við atliti til heildina.

STUÐLANDI OG STIMBRANDI UMHVØRVI

Vit leggja dent á, at fólk trívast og mennast, og tí skipa vit javnan fyri tiltøkum, sum styrkja samanhaldið. Tílík tiltøk eru við til at tryggja, at miðal starvsaldurin á Formula er 9 ár, ið er long tíð innan KT-vinnuna.

Vit leggja dent á persónliga og fakliga menning og bjóða viðkomandi eftirútbúgving. Tú fært eina kappingarføra løn, sum verður ásett eftir royndum og útbúgving. Starvið verður sett skjótast gjørligt, men vit bíða tó fegin eftir rætta viðkomandi.

UMSÓKN

Umsókn, lívsrensl (CV), prógv og viðkomandi skjøl skulu verða okkum í hendi í seinasta lagi mánadagin 23. januar 2022. Tú fært nærri upplýsingar um starvið við at venda tær til Ragnar Joensen, verkætlanarleiðara, á telefon 344039 ella Gert Joensen, deildarleiðara, á telefon 244098.

STUTT UM FORMULA

Formula er millum fremstu heildarveitarar av kunningartøkni til stovnar, kommunur og fyritøkur í Føroyum. Formula veitir lokalar loysnir við altjóða góðsku. Okkara loysnir verða brúktar í øllum vinnugreinum, bæði í Føroyum og uttanlands. Vit vita, at vitan tryggjar besta úrslitið. Vit liva av vitan og raðfesta vitan fremst av øllum. Okkara starvsfólk hava dagførda útbúgving á altjóða støði, og alt okkara virksemi er skipað í serdeildir.

Á Formula starvast uml. 100 fólk, og vit hava deildir í Tórshavn, Runavík og Klaksvík. Afturat hesum hava vit hølir í Keypmannahavn. Formula er eitt fíggjarliga trygt virki við høgari eginfígging, og vit eftirmeta áhaldandi okkara virksemi, bæði umvegis búskaparligum úrslitum og starvsfólka- og kundanøgdsemiskanningum. 

STARVIÐ

Á Formula uppliva vit øktan eftirspurning eftir okkara tænastum, bæði í Føroyum og uttanlands. Í hesum sambandi hava vit tørv á OutSystems mennara.

Á Formula er tað úrslitið, sum telur. Fyri at røkka bestu úrslitunum, er menningararbeiðið skipað eftir einum føstum leisti – frá staðfesting av tørvi til lidna loysn. Tú verður partur av einum fullfíggjaðum menningartoymi við verkætlanarleiðarum, greinarum, sniðgevum og mennarum. Her sleppur tú at gera tað, tú dugir best.

Starvið gevur tær góðar møguleikar at arbeiða við nýggjastu tøknini. Harafturat fært tú spennandi avbjóðingar við skiftandi uppgávum í einum góðum arbeiðsumhvørvi í tøttum samstarvi við dugnaligar starvsfelagar.

TÍNIR FØRLEIKAR

Tað er ein fyrimunur, um tú hevur skeið í OutSystems menning og hevur nakað av royndum við OutSystems, men tað er ikki eitt krav.

Tú hevur viðkomandi fakliga útbúgving og royndir við menning av KT-skipanum. Hartil hevur tú royndir við C#, ASP.NET, JavaScript, HTML5, CSS3 ella tilsvarandi tøkni. Tað er ein fyrimunur, um tú hevur royndir við menning av appum til fartelefonir. Tú er skipaður í tínum arbeiði, og tú ert vanur at arbeiða við samansettum uppgávum. Tú dugir at skipa tær í smærri eindir, ið verða loystar við atliti til heildina.

Á Formula eru persónligu førleikarnir eins týðandi og teir fakligu. Tú er fyrikomandi og hevur lætt við at tosa við fólk. Tú kennir tínar styrkir og dugir at geva tær víðari. Somuleiðis kennir tú tínar avmarkingar og dugir at brúka styrkirnar hjá starvsfeløgunum.

STUÐLANDI OG STIMBRANDI UMHVØRVI

Okkara arbeiðsumhvørvi er stimbrandi og stuðlandi. Vit leggja dent á, at fólk trívast og mennast, og tí skipa vit javnan fyri tiltøkum, sum styrkja samanhaldið. Tað ger, at miðal starvsaldurin á Formula er 9 ár, ið er long tíð innan KT-vinnuna.

Vit leggja dent á persónliga og fakliga menning, og bjóða viðkomandi eftirútbúgving. Tú fær eina kappingarføra løn, sum verður ásett eftir royndum og útbúgving.

UMSÓKN

Umsókn, lívsrensl (CV) og viðkomandi skjøl skulu verða okkum í hendi í seinasta lagi mánadagin 23. januar 2023. Tú fært nærri upplýsingar um starvið við at venda tær til Gert Joensen, deildarleiðara, á telefon 344098.

STUTT UM FORMULA

Formula er millum fremstu heildarveitarar av kunningartøkni til stovnar og fyritøkur í Føroyum. Formula veitir lokalar loysnir við altjóða góðsku. Okkara loysnir verða brúktar í øllum vinnugreinum, bæði í Føroyum og uttanlands. Á Formula vita vit, at vitan tryggjar besta úrslitið. Vit liva av vitan og raðfesta tað fremst av øllum. Okkara starvsfólk hava dagførda útbúgving á altjóða støði, og alt okkara virksemið er skipað í serdeildir.

Á Formula starvast uml. 100 fólk, og vit hava deildir í Tórshavn, Runavík og Klaksvík. Afturat hesum hava vit hølir í Keypmannahavn. Formula er eitt fíggjarliga trygt virki við høgari eginfígging, og vit eftirmeta áhaldandi okkara virksemi, bæði umvegis búskaparlig úrslit og starvsfólka- og kundanøgdsemiskanningar.